Azken Albisteak
Hizkuntza Gutxietako Hiztun Gazteen (HIGA) 5. topaketa egingo da Gasteizen 2025eko uztailean
2025eko uztailaren 14-18an Gasteizen egingo da Hiztun Gazteen 4. Topaketa. Izen emateko epea zabalik dago uztailaren 10era arte eta 19-35 urte arteko gazteek eman dezakete izena, 75 plazak bete arte.
Hautaketa irizpideak hauel ei dira: "Parte-hartzaileak hizkuntza gutxituetan lan egiteko duten konpromisoaren arabera aukeratuko dira, jatorri anitzak eta aktibismoaren eta profil akademikoen konbinazioan
oinarrituta, nazioarteko talde anitza sustatzeko arreta jarriz".
Informazio zabalagoa hemen aurki daiteke.
Translation and Linguistic Rights Committee (TRLC) urteroko bilera egingo du maiatzaren 29 - 30ean.
2025eko maiatza - “Making Silenced Languages Visible” izenpean urteroko bilera egingo du online TLRC batzordeak. Bilera horretan bost zentroetako 25 idazlek "Lenguas Vivas" proiektuan egiten ari diren lana aukeztuko dute.
Batzordeak urteak daramatza bideo-maratoia egiten hizkuntza indigenetan. Orain arte jaso bideo guztiak hemen ikus eta entzun daitezke: Translation and Linguistic Rights Committee of PI - YouTube
Writers in Prison Committee (WIPC) urteroko bilera egin du online maiatzaren 6 eta 7an.
2025eko maiatza - Behnaz Amani (Iran), Sasha Filipenko (Bielorrusia) eta Olesya Yaremchuk (Ukraina) idazleek beren eskarmentua azaltzeaz gain, beren lurraldeetako kideena ere azaldu dute. Hanan Awwad-ek (Palestina) "World Association of Write19" ekimena aurkeztu du eta PEN Sydneyk Zentsuraren aurkako Nazioarteko Egunaren proposamena plazaratu du.
Aurélia Dondo (PEN Int.) eta Karin Karlekar (America PEN) penkideek Caselist 2025 aurkeztu dute eta Elisabeth Löfgren-ek (Suedia) "Arriskuan dauden idazleak babesteko eskuliburua" aurkeztu du. Ma Thida (Myanmar) idazleak zuzendu du bi egunetako bilera.
PEN International-ek argitara eman du Case List zerrenda, urtero legez
2025eko maiatza - Urtero bezala, PEN Internationalek argitara eman du idazle jazarrien zerrenda, Identity on trial: Persecution and resistance izenpean. Aurreko urteetatik datozenei gehitzeko, 138 kasu berri daude: besteak beste, 33 kartzelaratuak izan dira, 31 jazarriak eta 26 auziperatuak eta 6ri heriotza-mehatxua egin zaie. PEN International-eko webgunean PDF eskuratu daiteke eta aurten, gainera, bertsio digitala jarri da edozeinen eskura.
Making Silenced languages visible proiektuaren barruan, Tere Irastortzaren poesia ikusgai
2025 - Translation and Linguistic Rights Committee-k aurrera daraman bideo-poemen maratoiaren barruan, Tere Irastortza poeta ezagunaren poema sareratu da berriki euskaraz, ingelesezko zein gaztelaniazko azpitutuluekin. Mundu osoko dozenaka poetaren emanaldiak ikus eta entzun daitezke jatorrizko hizkuntzan (azpititulatuta) TLRCen orrian.
Raimundo el Canastero taldea jazarria izan da kanta baten letragatik
2025 - Lizarran (Nafarroan) 2024ko abuztuko jaietan udalak txosten eredua aldatu zuenean Raimundo el Canastero taldeak kanta sortu zuen eta berau salatu zuen Marta Ruiz de Alda alkateak, kasua auzitara eramanez. Taldeak komunikatua argitaratu zuen egoera azaltzeko eta instagram-en bideoa hedatu zuen. ere azaldu zuen: Adierazpen Askatasunaren aldeko mugimendu zabala sortu da taldearen inguruan.
2025ean auzia atzeratu egin da oraingoz, baina indarrean dirau taldearen aur-kako jazarria. Euskal PENek elkartasun adierazi nahi dio taldeari.
Bideo guztiak, Translation and Linguistic Rights
batzordearen Youtube-ko kanalean.
Otsailaren 21ean Ama-Hizkuntzaren Nazioarteko Eguna da
2025 - Ama-Hizkuntzaren Egunean, mundu osoko hizkuntza indigena eta gutxituetan egindako bideo-poemen maratoia hasi du berriz ere PENeko Itzulpen eta Hizkuntza Eskubideen batzordeak.
Euskal PENek urtero bat egin du ekimenarekin euskarazko poema batekin. Aurten, gainera, mundu osoko poema horietako batzuk euskaratu ditugu. Egunero, hilabetez, gure sare sozialetan berrituko dugu poema horietako bat, eta jatorrizko hizkuntza indigena entzuteaz bat, euskarazko azpidatziak ere egongo dira prest. Lehena, Guatemalatik dator, maia kaqchikel hizkuntzan, Garabide elkartearen eskutik Euskal Herria ondo ezagutzen duen Miguel Angel Oxlaj poeta.
Abenduaren 3a, Euskararen Nazioarteko Eguna izateaz gain, Euskal PEN elkartearen eguna ere bada.
2024 - Abenduaren 3an Euskararen Nazioarteko Eguna sortu zuten idazle batzuek 1949an, Frantses Xabierrekoak otoi euskaraz egin zuelako hil zen egunean. Idazle berberek 1950ean Euskal PEN sortu zuten, eta elkartearen data ofiziala abenduaren 3a hautatu zuten, asmoa baitzen euskara mundura hedatzea.
Informazio zabalagoa hemen azaltzen da. Euskal PENen sorreraren eta garapenaren gainean, ERLEA aldizkarian argitaratu zen, 12. zenbakian, 2018an. Artikulu hura hemen irakur daiteke.